Talançılar
Ekologiya və Təbii Sərvətlər Nazirliyindəki talançıları aşkar etmək üçün dövlət başçısı İlham Əliyevin təcili olaraq məsələyə müdaxiləsi vacibdir
Nazirliyin
sabiq baş müfəttişi Şakir Quliyev ölkə
prezidentinə sensasion müraciət ünvanlayıb...
Qəzetimizin
14 mart tarixli sayında dərc edilmiş "Talançılar"
yazısına görə redaksiyamıza çoxsaylı
təşəkkürlər daxil olub. Bu təşəkkürlərdən
birinin müəllifi isə Ekologiya və Təbii
Sərvətlər Nazirliyi Ətraf Mühitin Mühafizəsi
Departamentinin sabiq baş müfəttişi Şakir Quliyevdir.
O, redaksiyamıza gələrək, həmin yazıya görə
də minnətdarlığını bildirdi.
(Əvvəli
ötən saylarda)
Ş.Quliyevin
əvvəli ötən sayımızda dərc olunmuş
və prezident İ.Əliyevə, baş prokuror Z.Qaralova, MTN
rəhbəri E.Mahmudova və fövqəladə hallar naziri
K.Heydərova ünvanlı müraciətindən məlum olur
ki, o, bu sahənin təcrübəli mütəxəssislərindən
biridir. Amma...
***
Ş.Quliyev
mərhum prezident H.Əliyevin təşəbbüsü və
xeyir-duası ilə SSRİ ali məktəblərinə göndərilən,
təhsil alan mütəxəssislərdəndir. O, 1975-80-ci
illərdə Novoçerkask Meliorasiya Mühəndisləri
İnstitutunun meşə təsərrüfatı fakültəsini
bitirib. Bir müddət Respublika Meşə Təsərrüfatı
Nazirliyində müxtəlif vəzifələrdə çalışıb.
Həmçinin eyni vaxtda Kənd Təsərrüfatı
Texnikumunda müəllimlik edib. 2001-ci ildə Ekologiya və
Təbii Sərvətlər Nazirliyi yaradılanda həmin ilin
28 noyabrında burada Ətraf Mühit və Təbii
Sərvətdən İstifadəyə Dövlət
Nəzarəti Müfəttişliyində nəzarət şöbəsinin
müfəttişi təyin edilib. Az keçmiş o, şöbədə
baş müfəttiş olur.
***
Ş.Quliyevin
nöqsansız və problemsiz fəaliyyəti 2004-cü ilin 17
yanvarınadək davam edib. Yuxarıda adı çəkilən
departamentin rəisi Hüseyn Məmmədov ona nazirin adından
ərizə yazıb işdən getməsini tələb edib.
Nəhayət, Ş.Quliyev bülletendə olarkən, 4 fevral
2004-cü ildə işdən azad edilib. Maraqlıdır ki, YAP
üzvünü, 23 ildən çox nöqsansız
fəaliyyət göstərmiş bir mütəxəssisi bayıra
atırlar.
***
Ş.Quliyev
dəfələrlə nazir H.Bağırova müraciət
etsə də, ədalətsizlik aradan qaldırılmır. O,
bu barədə dövlət orqanı
rəhbərlərinə üst-üstə 100-dən çox
məktub yazır, lakin heç bir tədbir görülmür.
Nazir
Hüseyn Bağırov Hüseyn Məmmədovu hansı
keyfiyyətinə görə müdafiə edir?
Ş.Quliyev
hüquqlarının pozulmasında əsas günahkar kimi
Departamentin İcra Aparatının sabiq rəhbəri Nizami
Kərimovu, nazir müavini Firdovsi Əliyevi günahkar hesab edir.
O, prezident İ.Əliyevə müraciətində yazır:
"Cənab
prezident!
Nazirlikdə
baş verən özbaşınalıqlar və qanunsuzluqlar o
həddə çatıb ki, 2001-ci ilin payızından 2004-cü
ilin avqustuna kimi mövcud olmuş Ətraf Mühit və
Təbii Sərvətlərdən İstifadəyə Dövlət
Nəzarəti Müfəttişliyinin rəisi
H.Məmmədovun son illər ərzində (2002-2004) ətraf mühitin
və faunanın mühafizəsinin yarıtmaz hala düşməsi
ilə bağlı, meşə-qoruq fondlarındakı və
meşə fondundan kənar sahələrdəki qiymətli ağac-kol
cinslərinin bilərəkdən qanunsuz qırılıb dağılması
ilə və digər faktlarla bağlı törətdiyi ciddi
qanun pozuntularını ört-basdır etmək
məqsədilə 2004-cü ilin avqustunda nazirlik
tərəfindən həmin müfəttişlik ləğv
olundu. Onun bazasında həmin müfəttişliyin hüquqi
varisi kimi, əvvəlki müfəttişlikdən heç bir
parametri ilə fərqlənməyən Ətraf Mühitin Mühafizəsi
Departamenti yaradıldı. Nazirliyin rəhbərliyi
əvvəlki müfəttişliyin rəisi işləmiş
və yerli meşə təsərrüfatlarının meşə
fondundakı, qoruq fondundakı və meşə fondundan
kənar sahələrdəki meşələrimizin kütləvi
surətdə qanunsuz qırılıb dağılmasına,
faunanın və ətraf mühitin mühafizəsinin yarıtmaz
vəziyyətə düşməsinə əsas günahkar
olanlardan biri kimi həmin H.Məmmədovu yeni yaradılmış
Ətraf Mühitin Mühafizəsi Departamentinə yenə
də rəhbər təyin etmişdir.
***
Əgər
həmin müfəttişlik qarşıya qoyulan tələb
və vəzifələrin yerinə yetirilməsinin öhdəsindən
gələ bilməməsi və digər səbəblər
ucbatından ləğv olunubsa, onda necə olur ki, həmin
sabiq müfəttişliyin rəisi olmuş və respublikamızın
meşə-qoruq fondlarındakı meşələrimizin, meşə
fondundan kənar sahələrdəki yaşıllıqların,
2001-ci ilin payızından bu günə kimi olan dövr
ərzində kütləvi halda qanunsuz qırılıb
məhv olmasına, bununla da meşələrimizin mühafizə
vəziyyətinin faciəvi surətdə yarıtmaz hala, faunanın
və ətraf mühitin mühafizəsinin qorunmasının
bərbad vəziyyətə düşmələrinə
səbəbkar olmuş H.Məmmədov hansı keyfiyyətli iş
göstəricilərinə görə sabiq müfəttişliklə
eyni funksiyalı yeni yaradışmış Ətraf Mühitin
Mühafizəsi Departamentinə yenidən rəhbər
təyin olunmuşdur?
Meşə
təsərrüfatı sistemində uzun illər çalışmış
bir mütəxəssis kimi belə hesab edirəm ki, bu qanunsuz
təyinat meşələrimizin sonrakı məhv
edilməsinə doğru nazirlik tərəfindən atılmış
ən ciddi addımlardan biridir. Əgər belədirsə, vay
belə şəraitdə işləyən nazirliyin halına
ki, onun ağsaqqalı 2002-ci ildən hal-hazıra kimi respublikamızın
meşə-qoruq fondlarındakı meşələrimizin
və meşə fondundan kənar sahələrdəki yaşıllıqların
qanunsuz qırılıb satılmasına və məhv
edilməsinə günahkar olmuş, nazirliyin nəzdində
olan əvvəlki müfəttişliyin hazırkı Ətraf
Mühitin Mühafizəsi Departamentinin rəhbəri
H.Məmmədov olsun.
Cənab
prezident!
Hüseyn
Məmmədov və Firdovsi Əliyev kimi meşəçilik
elmindən, meşə təsərrüfatı sistemindən
bixəbər, savadsız məmurlar özlərinə aid
olmayan vəzifələri zəbt edərək başqalarına
öz ixtisasları üzrə işləməyə imkan
vermirlər. Meşə təsərrüfatı sistemində
illərlə tətbiq olunan elmi cəhətdən əsaslandırılmış
təsərrüfat tədbirlərinin çoxu (Meşələrin
cins və keyfiyyət tərkibinin formalaşmasına yönəlmiş
xidməti qırmalar, zərərvericilərə və
digər xəstəliklərə qarşı, yanğına
qarşı mübarizə üçün xidmət edən
səhiyyə qırıntıları və.) bu nazirlik
tərəfindən 2003-cü ildən bəri ləğv
edilib və bu ciddi qanunsuzluq indi də davam etməkdədir.
Nazirlik rəhbərliyinə daxil olan, meşə elmindən
və meşə təsərrüfatı işlərindən
bixəbər olan qeyri-meşəçi məmurlar (nazir müavini
F.Əliyev, nazirlik aparatının keçmiş
rəhbəri N.Kərimov, nazirliyin əsas günahkar məmuru
əvvəlki müfəttişliyin, hazırkı Ətraf Mühitin
Mühafizəsi Departamentinin rəhbəri H.Məmmədov)
hal-hazırda meşə müəssisələrini meşə
təsərrüfatı elminin, Meşə
Məcəlləsinin və bu haqda olan dövlət və hökumət
qərarlarının, hüquqi-normativ sənədlərin
prinsiplərinə, tələblərinə uyğun yox,
biznes-kommersiya qaydalarına uyğun, şəxsi
mənfəət naminə necə gəldi idarə və
istifadə edirlər.
"Nazirlikdə
boş iş yerlərini tutmaq 2500 dollaradır"
Nazirlikdə
və onun yerli qurumlarındakı (xüsusilə meşə mühafizə
idarələrində) bütün iş yerlərinin hər
biri ixtisaslarından asılı olmayaraq 2500 ABŞ dolları
və ondan yuxarı miqdardakı pulla satılır və bu
qanunsuz işlərə 2002-ci ildən 2005-ci ilin noyabr ayına
kimi nazirliyin aparatının sabiq rəhbəri N.Kərimov başçılıq
etmişdir. Hazırda isə bu qanunsuz əməliyyatlara
əvvəlki müfəttişlik- hazırkı Ətraf Mühitin
Mühafizəsi Departamentinin rəhbəri H.Məmmədov,
nazir müavini Firdovsi Əliyev və Meşələrin İnkişafı
Departamentinin hazırkı direktoru R.Cəlilov başçılıq
edirlər.
Cənab
prezident!
Ölkə
meşələrində ağaclar kütləvi surətdə
qırılır.
Əslində
hamıya yaxşı məlumdur ki, nazirliyin rəhbərliyinin
icazəsi olmadan hətta ən ucqar meşə sahəsində
belə, bir ağac kəsilə bilməz. Elə isə
məzhəkə salıb dövlətimizi və xalqımızı
aldatmaq nəyə lazımdır? Həqiqətən də son
illər ərzində (2002-ci ildən bəri) və hal-hazırda
meşələrimizdə "yaşıl soyqırım"
Nazirliyin özü tərəfindən yerinə yetirilir.
Hamıya
yaxşı məlumdur ki, hər gün Balakən, Zaqatala,
Qəbələ, İsmayıllı, Lənkəran, Lerik,
Gəncə, Gədəbəy və s. meşə
təsərrüfatı müəssisələri
istiqamətindən Bakı şəhərinə və
digər şəhərlərə içi işlik ağac
girdələri ilə yüklənmiş oduncaq maşınları
hərəkət etməkdədir. Bu qanunsuzluqların hamısı
nazirliyin rəhbərliyinin birbaşa razılığı
ilə baş verir. Belə ki, 2002-ci ildən bəri nazirliyin
rəhbərliyinin (Nazir H.Bağırov və nazir müavini F.Əliyev);
əvvəlki müfəttişlik- hazırkı Ətraf Mühitin
Mühafizəsi Departamentinin rəhbəri H.Məmmədovun
razılığı ilə yerli meşə təsərrüfatları
tərəfindən törədilmiş və tədbir görülməmiş
kütləvi qanunsuz ağac qırıntılarından başqa
2004-cü ilin sentyabr ayından başlayaraq 2005-ci ilin avqust ayına
kimi baş vermiş qanunsuz ağac qırıntıları
zamanı (qanunsuz qırılıb aparılmış, daha doğrusu,
şəxsi mənfəət üçün satılmış
ağacların həcminin 60 faizinə qədərini faktiki
halda işlik kateqoriyalı ağaclar təşkil etsə
də, qanunsuz qırılıb aparılmış ağacların
ümumi həcminin minimal hissəsinin 30 faizini işlik
kateqoriyalı, 70 faizini isə odun kateqoriyalı ağaclar kimi
götürsək və meşə fonduna dəyən ziyanı
Nazirlər Kabinetinin 30.09.2004-cü il 145 saylı qərarına
əsasən hesablamaqla) 1.1. Gədəbəy Meşə Mühafizəsi
və Bərpası Müəssisəsinin, xüsusilə, Qızılca,
Yeni Saratovka, Şınıx və digər meşəbəyliklərində
hal-hazırda kütləvi halda 40000 kub metrdən çox
2371396000 köhnə manat köküstü nırx
dəyərində olan əsasən fıstıq, palıd,
vələs və s. cinsli;
1.2.
İsmayıllı MMBM-nin Talıstan, Girdiman, Topçu, xüsusilə
də, Qalınça meşəbəyliklərində
35000-40000 kub metr həcmində 2074971500 köhnə manat köküstü
nırx dəyərində olan palıd, fıstıq,
vələs və digər cinslərdən ibarət;
1.3.
Zaqatala MMBM-nin, xüsusilə, Tala, Muğanlı, Car, Danaçı,
Muxax və Əliabad meşəbəyliklərində hal-hazırda
76000 kub metrə qədər (Muğanlı meşəbəyliyində
20000 kub metrdən çox palıd, göyrüc; Tala meşəbəyliyində
10000 kub metrdən çox cökə, fıstıq və s;
Danaçı meşəbəyliyində 10000 kub metr qarışıq
ağaclar və bunun da 250 kubmetri işlik qoz; Muxax meşəbəyliyində
10000 kub metrdən çox cökə, fıstıq, palıd;
Əliyabad meşəbəyliyində 6000 kubmetrdən çox
palıd, fıstıq, bunun da 600 kubmetrdən çoxu işlik
qoz) 4951732000 köhnə manat köküstü nırx
dəyərində olan palıd, fıstıq, cökə,
vələs, şabalıd, qoz və s. ağac
cinslərindən ibarət;
1.4.
Astara MMBM-nin Əsxənəkəran, Təngərüd, Şüvi
meşəbəyliklərində hal-hazırda 10000-20000 kubmetr
həcmində 889273500 köhnə manat köküstü nırx
dəyərində olan dəmirağac, palıd, fıstıq,
vələs və s. ağac cinslərindən ibarət;
1.5.
Lənkəran MMBM-nin Seyfidor, Haftoni və xüsusilə də,
Osakücə meşəbəyliklərində 30000-35000
kubmetrdən çox 2254870400 köhnə manat köküstü
nırx dəyərində olan palıd, fısdıq,
vələs, dəmirağac və s. talanmışdır.
1.6.
Lerik və digər meşəbəyliklərində hal-hazırda
15000 kubmetrdən çox 1056970500 köhnə manat köküstü
nırx dəyərində olan palıd, fısdıq,
vələs və s. cinsli;
1.7.
Gəncə MMBM-nin Şəmkir, Naftalan, Goranboy və Samux meşəbəyliklərində
10000 kubmetrdən çox 59284900 köhnə manat köküstü
nırx dəyərində olan palıd, vələs və s.
cinslərdən ibarət;
1.8.
Qax MMBM-nin Qum, Qıpcaq, Qax və digər meşəbəyliklərində
10000 kubmetrdən çox 592849000 köhnə manat köküstü
nırx dəyərində;
1.9.
Oğuz MMBM-nin, xüsusilə də Xaçmaz və Oğuz
meşəbəyliklərində 25000 kubmetrdən çox
1761617500 köhnə manat köküstü nırx
dəyərində olan palıd cinsli;
1.10.
Qəbələ MMBM-nin, xüsusilə də Vəndam və
Bum meşəbəyliklərində fıstıq və palıd
cinslərindən ibarət 15000 kubmetrdən çox 889273000 köhnə
manat köküstü nırx dəyərində;
1.11.
Azmeşəli kateqoriyaya mənsub Sabirabad MMBM-nin Sabirabad, Əli
Bayramlı, Sığırlı, Saatlı və digər meşəbəyliklərindəki
Kürboyu və Arazboyu sahələrdəki Tuğay meşələrində
2500-4500 kub metr həcmində 173151000 köhnə manat köküstü
nırx dəyərində olan əsasən qiymətli Ağ
qovaq və s. cinslərdən ibarət;
1.12.
Quba MMBM-nin Alpan, Vəlvələ və xüsusilə, Rustov
meşəbəyliklərində 9000-12000 kub metr
həcmində 845576000 köhnə manat köküstü nırx
dəyərində olan fıstıq, palıd və s.
cinslərdən ibarət;
1.13.
Balakən MMBM-nin, xüsusilə, Katex və digər meşəbəyliklərində
40000 kubmetrdən artıq 2818588000 köhnə manat köküstü
nırx dəyərində olan fıstıq, vələs
cinslərindən ibarət; cəmi isə yuxarıda göstərilən
meşə müəssisələri üzrə rəsmi
qeydiyyata alınmamış, rəsmiləşdirilməmiş
329500 kub metr həcmində 21223117400 köhnə manat, yəni
4244623,48 yeni manat köküstü nırx dəyərində
olan ağaclar kök üstündən qanunsuz
kəsilərək həmin müəssisələrin
rəhbərləri tərəfindən nazirliyin yuxarıda göstərdiyim
məmurlarının narazılığı əsasında
şəxsi mənfəətləri üçün göstərilən
məbləğdən də artıq qiymətlərlə
mebel sexlərinə, ağackəsmə sexlərinə və
digər potensial alıcılara qanunsuz satılmışdır.
Bu
qanunsuz ağac qırıntılarının bu
səviyyədə hal-hazırda baş verməsini yuxarıdakı
silsilə ilə Xanlar, Şamaxı, Şəki, Qusar
MMBM-lərinə, Kürboyu və Mərkəzi Aranda yerləşən
MMBM-lərə də aid etmək olar.
Bu,
Ekologiya və Təbii Sərvətlər Nazirliyində baş
verən ciddi qanun pozuntuları barəsində Azərbaycan
Respublikasının prezidentinə göndərdiyim hər müraciətimdən
sonra nazirliyin rəhbərliyindəki göstərdiyim
məmurların bu müraciətlərə saymazyana münasibətinin
nəticəsidir. Nazirliyin həmin məmurlarının aşkar
xeyir-duası ilə yerli Meşə Mühafizəsi və
Bərpası Müəssisələrində, bir çox dövlət
təbiət qoruqlarında qanunsuz ağac qırıntılarının
həcmi durmadan artırılır. 2005-ci ilin noyabır ayından
başlayaraq respublikamızın yerli meşə mühafizəsi
və bərpası müəssisələrində nazirliyin
razılığına əsasən, meşələrimizin
qanunsuz olaraq qırılıb şəxsi mənfəət
naminə satdırılmasının yeni, əvvəlki
illərdən fərqlənən daha kütləvi fazası
başlanmışdır. Belə ki, 2004-2005-ci illərdə
Lerik meşələrini qanunsuz qırıb satdırmasında
nazirliyin rəhbərliyinin hörmətini qazanmış
və buna görə Balakən meşə müəssisəsinə
direktor təyin olunmuş Xalıq Süleymanovun "bacarığı"
nəticəsində 2005-ci ilin oktyabr, noyabr, dekabr və 2006-cı
ilin yanvar aylarında Balakən meşə müəssisəsində
əvvəlki qeyd edilmiş qanunsuz ağac qırıntılarından
başqa, köküstü ağacların qanunsuz qırılmasından
10 min kubmetrdən çox odun və dörd min kub metrdən
çox işlik kateqoriyalı oduncaq materialı qanunsuz olaraq
tədarük edilib satılmışdır.
***
Bu
proseslər əsasən Quba, İsmayıllı, Oğuz,
Şəki, Zaqatala, Gədəbəy, Lənkəran, Astara,
Lerik, Qusar, Şamaxı, Xanlar, Sabirabad və digər meşə
müəssisələrində baş verməkdədir.
Belə ki, qanunsuz ağac qırıntıları hər gün
baş verdiyindən bunun üstünü ört-basdır
etmək üçün nazirliyin rəhbərliyindəki yuxarıda
göstərdiyim H.Məmmədov, F.Əliyev, R.Cəlilov
və X.Ramazanovdan ibarət olan məmur qruplaşmasının
razılığına əsasən, Meşələrin İnkişafı
Departamentinin işçiləri yerli meşə təsərrüfatlarına
yoxlamalara göndərilir. Həmin qondarma yoxlama qrupu isə
həmin məmur qruplaşmasının razılığına
əsasən meşə təsərrüfatı müəssisələrinin
xidməti ərazilərindən kök üstən qanunsuz
kəsilib satılmış, kütləvi halda olan hazırkı
ağac qırıntılarının sayının və
həcminin cüzi hissəsini rəsmi qeydiyyata alaraq, yerdə
qalan, kütləvi halda olan qanunsuz ağac qırıntılarının
gizlədilməsi müqabilində geri qayıdır.
Cənab
prezident!
Nəticə
isə ondan ibarətdir ki, Bakı şəhərindəki
80-dən artıq mebel sexləri, Qubadakı 17, Qusardakı 8,
Balakəndəki 15, Zaqataladakı 6, Gəncədəki 8,
İsmayıllıdakı 10, Şəmkirdəki 7,
Gədəbəydəki 10, Oğuzdakı 6,
Qəbələdəki 24-dən artıq ağackəsən
sexlər, Astarada, Lənkəranda, Masallıda və digər
rayonlardakı ağackəsən sexlər (həmin mebel və
ağackəsən sexləri parket, taxta, yeşik, işlik
girdələr və s. ağac məmulatları ilə doludur);
respublikamızın Zaqatala, Balakən, Qax, İsmayıllı,
Gədəbəy, Lənkəran, Astara, Lerik, Oğuz,
Qəbələ, Şəki, Xanlar və digər meşə
mühafizəsi və bərpası müəssisələrinin
xidməti ərazisindəki meşələrindən qanunsuz
kəsilib gətirilmiş ağaclar hesabına gündəlik
işləyir.
Azmeşəli
aran rayonlarının (Ağcabədi, İmişli, Sabirabad,
Beyləqan, Əli Bayramlı, Kürdəmir və s.) bazarları
Lənkərandan, Astaradan, Lerikdən, Zaqataladan,
Balakəndən, Şəkidən, Oğuzdan,
Qəbələdən, Xanlardan, Gəncədən,
Gədəbəydən, İsmayıllıdan, Daşkəsəndən,
Qaxdan, Şamaxıdan və s. rayonlardan qanunsuz qırılıb
alıcılara satılmış qiymətli ağac
cinslərinin oduncaqları hesabına hal-hazırda durmadan
fəaliyyət göstərir.
Ekologiya
və təbii Sərvətlər Nazirliyinin qanunsuz
səylərinin nəticəsində hal-hazırda meşələrdən
qanunsuz qırılıb tədarük edilmiş altı kub
metrdən ibarət bir maşın odun 800000 köhnə
manata-160 yeni manata; 6 kub metrdən ibarət olan bir maşın
işlik oduncaq isə 170000-2000000 köhnə manata, yəni
340-400 yeni manata satılır və hal-hazırda da satılmaqda
davam edir. Təcavüzkar Ermənistan tərəfindən işğal
olunmuş Laçın, Kəlbəcər, Zəngilan, Qubadlı,
Cəbrayıl, Xocavənd, Ağdərə, Xankəndi və
digər bölgələrimizdəki işğal olunmuş
242.816 ha meşə sahələri (bundan 200.812 ha Laçın,
Kəlbəcər, Zəngilan və Yuxarı Qarabağ meşə
təsərrüfatlarındakı meşələr, 107 ha
Bəsit çay dövlət qoruğu, 41.887 ha həmin işğal
olunmuş ərazilərdəki kolxoz, sovxoz meşələri)
istisna olmaqla 2002-ci ilin 01 yanvar vəziyyətinə
əsasən Respublikamızın Meşə Fondu 842.490 ha (bundan
da 700.432 hektarı meşə bitkiləri ilə örtülü;
142.058 hektarı isə meşə bitkiləri ilə örtülü
olmayandır) olmuşdur.
Son
illər ərzində (2002-ci ildən başlayaraq) və
hal-hazırda da səhlənkarlıq ucbatından yerdə qalan
meşələrimizin mütəmadi olaraq qanunsuz qırılıb
dağılmasını nəzərə alsaq hal-hazırda
Respublikamızın meşəlik faizinin nə qədər aşağı
düşməsini necə olması (1990-cı ilə
qədər meşəlik faizi təqribən 11% göstərildiyi
halda indi bu rəqəm təqribən 5-6% arasındadır,
bəlkə də aşağıdır) haqda təsəvvür
yürütmək çox çətindir. Çünki
qanunsuz meşə qırılması prsosesi 2001-ci ilin payızından
hal-hazıra kimi gündəlik olaraq dəqiqə və
saatlarla yerinə yetirilir.
Faciəvi
paradoksal vəziyyət yaranmışdır. Bir
tərəfdən mənfur ermənilər, digər
tərəfdən isə Ekologiya və Təbii
Sərvətlər Nazirliyinin günahkar vəzifəli
məmurları, onların günahları ucbatından, onsuz da
az qalmış, strateji əhəmiyyətli meşələrimizi
qanunsuz qırılıb məhv etməklə məşğuldurlar.
Ekologiya və Təbii Sərvətlər Nazirliyinin 2002-ci
ildən bəri Meşələrimizin qorunub mühafizə
edilməsi vəziyyətinin yarıtmaz hala salması ucbatından
Respublikamızın hal-hazırki, faktiki meşəlik faizinin
kritik səviyyədə aşağı düşməsi
çox ciddi Ekoloji fəlakət kimi hökumətimiz və
aidiyyatı hüquq mühafizə orqanları
tərəfindən müstəqil meşəçi
ekspertlərin cəlb olunması yolu ilə araşdırılmalıdır."
(Davamı
var)
A.Ədalət
Təbiətə
balta çalanlar
Ekologiya
və Təbii Sərvətlər Nazirliyinin "Təzadlar"a
cavab məktubu səhvən "Ədalət" və "Şərq"
qəzetlərində çap olunub. Nazirliyin rəhbərliyi
səhvini necə düzəldəcək və günahkar
necə cəzalandırılacaq?
Təkcə
son 5 il ərzində Abşeron yarımadasında, o cümlədən
Bakıda 100 hektara yaxın bağ və park sahələri
məhv edilərək çoxillik ağaclar doğranıb,
çoxsaylı şadlıq evlərinə, villa və
restoranlara çevrilib. Amma Ekologiya və Təbii
Sərvətlər Nazirliyində, Bakı şəhər
Ekologiya və Təbii Sərvətlər Departamentində hamı
susub. Niyə? Görəsən, təbiətə, ekologiyaya
qənim kəsilənlər bu ölkənin, bəşəriyyətin
gələcəyini və gələcəyimizi niyə düşünmürlər?
Bu işə məsul olanları əlibaltalıların özbaşınalığına
susduran nədir?
Qəzetimizin
ötən sayında "Talançılar" başlıqlı
yazı dərc olunmuşdu.
Yazı
ciddi bir sənədə istinadən hazırlanmışdı.
Belə ki, 2005-ci ilin 22-25 noyabrında Beynəlxalq Bankın
maliyyə dəstəyi ilə Sankt-Peterburqda "Avropa və
Şimali Asiyada meşə sektorunda huququn tətbiqi və
idarəetmə problemləri" mövzusunda beynəlxalq
konfrans keçirilmişdir. Həmin tədbirdə
Azərbaycanı ekologiya və təbii sərvətlər
nazirinin müavini Firdovsi Əliyev təmsil etmişdir. Və
Beynəlxalq Konfransın qəbul etdiyi yekun sənədin (rus
dilində, növbəti saylarımızda təqdim olunacaq)
bəzi hissələri olduğu kimi yazıda verilmişdi.
Qondarma
cavab və...
Gözlənildiyi
kimi, həmin yazı ciddi reaksiya doğurdu. O
dərəcədə ki, Ekologiya və Təbii
Sərvətlər Nazirliyinin rəhbərliyi özünü
necə itirmişdisə, yazıya təkzib ediləsi cavab yazdırmaq
və dərcini redaksiyadan xahiş etmək əvəzinə,
mətləbə dəxli olmayan bir qondarma "cavab
məktubu"nu eyni ilə "Ədalət" qəzetinin
28 mart tarixli, "Şərq" qəzetinin isə 29 mart
tarixli saylarında dərc etdirmişdir. Halbuki "KİV haqqında"
Qanunun 44-cü maddəsində ("Təkzib, düzəliş
və cavab vermək hüququ") açıq-aydın göstərilir
ki, məsələn, nazirlik cavab məktubunu həmin yazını
dərc edən qəzetə təqdim etməlidir. Əgər
qəzet bundan imtina edərsə, onda başqa KİV-ə müraciət
etmək olardı.
***
Düzdür,
nazirliyin qeyri-rəsmi nümayəndələri həmin yazı
barədə redaksiya rəhbərliyinə müraciət edib.
Lakin müraciətdə, ümumiyyətlə, yazının
dərcinin dayandırılması xahiş olunub, cavab
məktubunun dərci yox. Halbuki redaksiya bütün etik qaydaları
əsas tutaraq hər dəfə xüsusi olaraq qeyd edib ki,
əks-tərəfin mövqeyini dərc etməyə hazırdır.
Allah kömək olmuş "Ədalət"çilər
isə nazirlik rəsmilərinə "KİV haqqında"
qanunu izah etməyiblər. İzah etsəydilər, ən azı,
həmin qondarma cavab məqalə yazan qəzetin özündə
belə dərc oluna bilərdi.
Əslində
isə həmin məqaləni təkzib etmək mümkün
deyildi. Çünki bu mümkün idisə, niyə 22-25
noyabr 2005-ci ildə Sankt-Peterburqda keçirilən
tədbirdə ölkəmizi təmsil edən nazir müavini
Firdovsi Əliyev elə oradaca çıxış edib hər
şeyi təkzib edərdi və qoymazdı ki, həmin
hesabat-rəqəmlər yekun sənəddə öz əksini
tapsın.
***
Nazir
müavini F.Əliyev bunu niyə etməyib, deyə bilmərik.
Amma bizi bir dəhşətli məsələ narahat
etməyə blməz. "Ədalət" qəzetində
dərc olunmuş qondarma cavab məktubunda imza yaşı 70-i
ötmüş, təqaüdçü olan Hüseyn
Bədəlova məxsusdur. Elə həmin gün nazirlikdən
zəng edib dedilər ki, Hüseyn kişi pensiyaya çıxıb
və nazirliklə elə bir əlaqəsi yoxdur, belə bir
savadsız yazıya imza qoya bilməz...
***
O
ki qaldı həmin qondarma cavab məktubunun məzmununa, maraqlıdır
ki, "Təzadlar"ın 14 mart 2006-cı il tarixli sayında
dərc olunmuş "Talançılar" yazısında il
ərzində ölkənin meşələrinin qırılmasından
(Dövlət Statistika Komitəsinin məlumatlarına
hesablanaraq) dövlət büdcəsinə dəyən ziyanın
hesabatı təqdim olunmuşdu. Amma "Ədalət"
və "Şərq" qəzetində dərc edilən
cavab məktubunda qeyri-hökumət təşkilatları
ilə Ekologiya və Təbii Sərvətlər Nazirliyinin
intriqası öz əksini tapmışdır...
Abşeronun və Bakının ekologiyasına
ayrılan 20 milyon dollar kredit hara xərclənib?
İndi keçək mətləbə.
Beynəlxalq İnkişaf Bankının 2003-cü il üzrə
hesabat sənədlərini vərəqləyərkən maraqlı
məqama rast gəldik. Məlum oldu ki, 1998-ci ilin 20 iyununda
Beynəlxalq Bankla Azərbaycan hökuməti arasında kredit müqaviləsi
bağlanıb. Ümumi
həcmi 28 milyon dollar olan kreditin 20 milyonu Abşeron yarımadasında
ətraf mühitin qorunmasına nəzərdə tutulub. 5
maddədən ibarət olan layihədə hətta Ekologiya
və Təbii Sərvətlər Nazirliyində ətraf mühitin
mühafizəsinin hüquqi tənzimlənməsini həyata
keçirəcək struktur yaradılması da
nəzərə alınıb. Layihə 2003-cü ildə başa
çatıb.
***
Çox
maraqlıdır, Bakının və Abşeron yarımadasının
ekoloji durumunda 20 milyon dollar kreditin hansı rol oynadığını,
hara xərcləndiyini qoyuruq kənara. Amma fotokameramızın
yaddaşına köçürülmüş görüntüləri
ekologiya və təbii sərvətlər naziri H.Bağırovun
diqqətinə yetiririk. Bakıda vaxtilə mərhum prezident
Heydər Əliyevin diqqət və qayğısı ilə
əkilmiş, lakin bu gün doğranıb məhv
edilərək yerində restoran, şadlıq evləri, villalar
tikilən bağ sahələrinə, şam meşələrinə
baxın və ən azı, oturduğunuz kresloya, hər ay dövlətdən
aldığınız təminatlara görə heç olmasa
vicdan narahatlığı keçirin. Kabinetinizdə mərhum
prezident Heydər Əliyevin portretini lap başdan asıb,
stolunuzun üstündə büstünü qoyursunuz.
Belə
saxta sevgidənsə, böyük şəxsiyyət H.Əliyevin
vaxtilə əkdirdiyi, qayğı göstərdiyi çoxillik
şam və sərv meşələrinin, zeytun bağlarının
doğranıb villa və şadlıq evlərinə çevrilməsinin
qarşısını alın! Bu, ulu öndərin
xatirəsinə ən böyük hörmət və
qiymət olardı.
F.ƏLƏSGƏR